नेपाली मुटु

truly a NEPALIBLOG………

  • नेपाली पात्रो

    download गर्न फोटोमा click गर्नुहोस्

  • नेपाली समाचार

  • Archives

  • यात्री संख्या

    • 12,526 यात्रीहरु
  • wordpress को ढोका

  • इमेल बाट सूचना पाउन आफ्नो इमेल ठेगाना लेख्नुहोस.

    Join 7 other followers

  • मत बिभाजन ……

राजधानीमै सुरुङ मार्ग !

Posted by नेपाली मुटु on March 8, 2010

सचेन गौतम
नयाँ पत्रिका
काठमाडौं, २३ फागुन
बाटो काट्नका लागि ‘सब-वे’ प्रयोग गरिरहेका काठमाडौंका बासिन्दाले सार्वजनिक यातायातका लागि पहिलोपटक सुरुङ मार्ग प्रयोग गर्न पाउने भएका छन् ।

चाबहिल, कोटेश्वरलगायतका क्षेत्रमा गाडीको चापलाई कम गर्न काठमाडौंको तिलगंगाबाट गुह्येश्वरीसम्म ४ सय मिटरको सुरुङ बनाई वैकल्पिक मार्गको रूपमा विकास गर्न लागिएको हो । पशुपति क्षेत्रको ऐतिहासिक तथा पुरातात्त्विक महत्त्वलाई असर पर्न नदिन तिलगंगामा रहेको वाग्मतीको पुलबाट गुह्येश्वरीसम्म सुरुङ मार्ग निर्माण गर्न लागिएको डिभिजन सडक कार्यालय, काठमाडौंका प्रमुख बलराम मिश्रले जानकारी दिए ।

सुरुङ मार्ग निर्माणका लागि सडक विभागले डिजाइनको कामलाई अगाडि बढाइसकेको छ । ‘सुरुङ मार्ग निर्माणका लागि डिजाइनको काम अगाडि बढिरहेको छ,’ मिश्रले नयाँ पत्रिकासँग भने, ‘सुरुङ निर्माण यसै आर्थिक वर्षबाट सुरु गर्ने तयारीमा छौँ ।’

सुरुङ आरसिसी ढलान गरेर बनाइने र दुई लेनको हुने प्रारम्भिक खाका छ । निर्माणको लागत भने सुरुङको विस्तृत डिजाइन तयार भएपछि मात्रै अनुमान गर्न सकिने मिश्रले बताए । नेपालमा अहिले जलविद्युत् आयोजनाले मात्रै सुरुङ मार्गको प्रयोग गरिरहेका छन् ।

भौतिक योजना तथा निर्माण मन्त्रालय, सडक विभाग, पुरातत्त्व विभाग, पशुपति क्षेत्र विकास कोषको केही साताअघि बसेको संयुक्त बैठकले सुरुङ मार्ग निर्माणका लागि प्रक्रिया अगाडि बढाउने निर्णय गरेको थियो ।

चाबहिल क्षेत्रको सवारी चापलाई कम गर्न दुई वर्षअघि वैकल्पिक मार्गका रूपमा तिलगंगाबाट गुह्येश्वरीसम्म ट्रयाक खोलिएको थियो । तर, पशुपति क्षेत्र विकास कोषले सडक निर्माण भए पशुपति क्षेत्रको ऐतिहासिक तथा पुरातात्त्विक महत्त्वलाई असर गर्ने भन्दै सर्वोच्च अदालतमा मुद्दा दायर गरेको थियो । अदालतले अन्तरिम आदेश दिएपछि सडक निर्माण कार्य रोकिएको थियो । तर, कोषले अदालतबाट मुद्दा फिर्ता लिएर नै सुरुङ मार्ग निर्माणका लागि पहल गरिरहेको छ । सुरुङ मार्ग निर्माण भएमा चाबहिलको सवारी चाप घट्नेछ भने कोटेश्वर जान पनि यसलाई वैकल्पिक मार्गको रूपमा प्रयोग गर्न सकिनेछ ।

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s